Hilabete oso ilunek utzitako zauria sendatuko duen garaipena

Ez dira hilabete errazak izan Illarramendirentzat. Realeko kapitainak 2019/20 denboraldi hasieran San Mamesen peronea hautsi ostean 16 hilabete, ia 500 egun, itxaron behar izan zituen deialdira itzultzeko eta Cordobaren aurkako partidara arte lehen minutuak izateko. Hala ere, realzale guztien ardurarako, bere arazo fisikoak ez dira hor amaitu. Ostiralean Cartujan egindako lan-saioan eskuin hankan, barnealdeko bikian edo soroan, zehazki, min hartu eta ezin izan zuen Kopako finala jokatu. Zazpigarren lesioa debuta egin zuenetik, ziur Sevillako zerura kopa altxatzeak alaituko azken hilabete ilunek utzitako zauria sendatzeko balioko dutela.