Dena beltza atean

Omenaldi kaskarra. Beltzez janztearena detaile polita da baina atezainak euren onena ematen ikustea omenaldi ederragoa izango zen Iribarrentzat. Atzo jai izan zuten biek.

Gol bakarra hiru partidatan. Cornelláko norgehiagokaz geroztik ez dabil fin taldea aurrean. Buru-argitasunik gabe, aukera gutxi sortzen ditu eta horiek ezin aprobetxatu.

Zaldua, etxean. Gau arraroa izango zen atzokoa donostiarrarentzat. Etxean, betiko lagunekin palkoan, baina kanpokoaren jokaldiak txalotuz. Pena zelaian ez izatea.

Braisen ukitua. Begibistakoa da ez dela denboraldi hasierako bera, baina atzo bristada batzuk utzi zizkigun eta horietako batean gola egiteko zorian ere izan zen.

Itxuraldaketaren bila. Ez da Erromako erronkari heltzeko modurik onena hauxe, baina Europan euren bertsio onena ematen duten talde horietako bat izan behar du Realak. Mou-ri gailentzeko garaia da.